1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ուկրաինայի ինը մարզերում անբարենպաստ եղանակի պատճառով հոսանքազրկված Է շուրջ 150 բնակավայր: Այդ մասին, ինչպես տեղեկացնում Է «Արմենպրես»-ը, հոկտեմբերի 25-ին հայտնել Է Ուկրաինայի արտակարգ իրավիճակների պետական ծառայությունը:
«Եղանակային պայմանների (անձրեւներ, քամու պոռթկումներ) բարդանալու հետեւանքով Էլեկտրահաղորդման գծերի պաշտպանության համակարգի գործելու պատճառով հոսանքազրկում Է տեղի Է ունեցել 146 բնակավայրերում, որոնք գտնվում են ինը մարզերում, ներառյալ Վինիցայի, Լվովի, Տեռնոպոլի, Չեռնովիցիի, Իվանո-Ֆրանկովսկի, Լուգանսկի, Անդրկարպատյան, Դոնեցկի եւ Վոլինի մարզերը»,-ասված Է հաղորդչագրության մեջ:
Ավելի վաղ օդերեւութաբանները նախազգուշացրել Էին հոկտեմբերի 24-25-ին եղանակի վատանալու մասին: Ընթացիկ շաբաթվա մեջ Ուկրաինայում սպասվում Է ջերմաստիճանի աստիճանական նվազում: Աշխատանքային շաբաթվա ավարտին սպասվում են ձնախառն անձրեւներ: Հոկտեմբերի 25-ին Ուկրաինայի շատ մարզերում կտեղան անձրեւներ, հաղորդել Է ՏԱՍՍ-ը: