1 րոպեի ընթերցում
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Ֆրանսիան պատրաստ Է անհապաղ ռազմական հարված հասցնել Սիրիային, եթե սիրիական բանակի կողմից խաղաղ բնակչության դեմ քիմիական զենքի կիրառման ապացույցներ ներկայացվեն: Այդ մասին, ինչպես հայտնել Է «Ֆրանսպրես» գործակալությունը, փետրվարի 13-ին հայտարարել Է հանրապետության նախագահ Էմանուել Մակրոնը, տեղեկացնում Է «Արմենպրես»-ը:
«Մենք հարված կհասցնենք այն վայրին, որտեղ դա կատարվել Է, կամ որտեղ դա կազմակերպվել Է: «Կարմիր գիծը» կպահպանվի»,- ասել Է նա լրագրողների հետ կայացած հանդիպմանը:
Միաժամանակ Մակրոնն ընդգծել Է, որ մինչ այժմ Փարիզը Սիրիայում նման արգելված զենքի օգտագործման համոզիչ ապացույցներ չի ստացել: «Այսօր մենք մեր ծառայությունների կողմից չունենք այն բանի հաստատումներ, որ միջազգային պայմանագրերով արգելված քիմիական զենք Է օգտագործվել քաղաքացիական բնակչության դեմ»,- նշել Է Ֆրանսիայի նախագահը, հաղորդել Է ՏԱՍՍ-ը: