1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը ՄԱԿ-ի Գլխավոր Ասամբլեայի Աֆրիկայի պետությունների առաջնորդների հետ հանդիպման ընթացքում երկու անգամ նշել է գոյություն չունեցող «Նամբիա» պետությունը: Ինչպես հաղորդում Է«Արմենպրես»-ը, այս մասին հայտնում է«ՌԻԱ Նովոստի»-ն:
«Գվինեայում և Նիգերիայում մենք պայքարել ենք սարսափելի Էբոլա վարակի դեմ: Նամբիայի առողջապահության համակարգն ավելի ինքնաբավ է դառնում»,- հայտարարել է նախագահը:
Ավելի ուշ, Սպիտակ տան կայքում հրապարակված ելույթի տարբերակում «Նամբիան» փոխարինվել է Նամիբիայով:
Պետությունների անուններում Թրամփը նախկինում ևս սխալներ է թույլ տվել: Ինչպես օրինակ՝ խոսելով Ուկրաինայի մասին՝ օգտագործել է «the» որոշիչ հոդը: