Մակրոնն Աֆրիկայում հանդիպելու է ֆրանսիացի զինվորականների հետ

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը ուղևորվելու է Աֆրիկա, որպեսզի հանդիպի ֆրանսիացի զինվորականների հետ: Ինչպես փոխանցում է «Արմենպրես»-ը, այդ մասին հաղորդում է Reuters-ը, վկայակոչելով Մակրոնին մոտ աղբյուրը:

Ըստ տեղեկությունների, հանդիպումը կայանալու է մայիսի 19-ին՝ Արևմտյան Աֆրիկայում գտնվող Մալիում:

Նախատեսվում է, որ Մակրոնը կհանդիպի մոտ հազար զինվորի հետ, որոնք գտնվում են Մալիում համատեղ հակաահաբեկչական ուժերի շրջանակում:

Միաժամանակ, աղբյուրը հայտնել է, որ Ֆրանսիայի նոր կառավարության առաջին նիստը տեղի է ունենալու մայիսի 18-ին: