Ահաբեկչությունը համաշխարհային վտանգ է, որը սահման կամ խտրականություն չի դնում. Արամ Ա

2 րոպեի ընթերցում

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա. Վեհափառ Հայրապետն ընդունել է Օսքար Գանթու Եպիսկոպոսի գլխավորած ԱՄՆ Կաթոլիկ Եպիսկոպոսների Համագումարը ներկայացնող պատվիրակությանը: Այս մասին «Արմենպրես»-ին տեղեկացրեցին Մեծի Տանն Կիլիկո կաթողիկոսարանի մամուլի ծառայությունից: Պատվիրակության այս հանդիպումը կայացել է Միջին Արևելքի տարբեր շրջաններ կատարած այցելությունների շրջանում:

Նորին սրբությունը հայտնել է, որ 2014 թվականի սեպտեմբերին, նախագահ Օբամայի հետ հանդիպման ընթացքում, հինգ պատրիարքների անունից մտահոգություն է ներկայացվել Միջին Արևելքի ներկա վիճակի և հատկապես քրիստոնեաների դժվարությունների մասին: Ապա, Վեհափառ Հայրապետը, վերլուծելով Միջին Արեւելքի ներկա իրավիճակը, շեշտել է քրիստոնեության ներկայության կարեւորությունը: Նա ընդգծել է, որ բոլոր եկեղեցիները ջանք չեն խնայում իրենց հետևորդների անվտանգությունն ու շրջանում գոյատեւումն ապահովելու համար: Վեհափառը նշել է, որ միջազգային հանրությունը ևս այս ուղղությամբ աշխատանք պետք է տանի:

Արամ Ա. Կաթողիկոսն, անդրադառնալով ահաբեկչության երևույթին, այն որակել է համաշխարհային վտանգ, որը սահման կամ խտրականություն չի դնում: Նա նշել է, որ ահաբեկչության հետեւանքները ամբողջ աշխարհին վրա իր բացասական անդրադարձ կունենա, հետևաբար ՄԱԿ-ը եւ այլ միջազգային կազմակերպութիւններ պետք է լուծումների մասին մտածեն:

Վեհափառ Հայրապետը խոսել է Լիբանանի նախագահական ընտրություններն առանց հապաղելու անկացնելու անհրաժեշտության մասին: Ավարտին, Նորին սրբությունը պատասխանել է իրեն ուղղված հարցերին:

Հայերեն

Մոնղոլիայի նախագահը հրաժարական է տվել կոռուպցիայի մեղադրանքների պատճառով

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է