1 րոպեի ընթերցում
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: Շուրջ 11 միլիոն երեխաներ արեւադարձային Աֆրիկայումավելի քիչ ուտելիք եւ ջուր կստանան այսպես կոչված «Էլ Նինիոյի ֆենոմենի»՝ Խաղաղ օվկիանոսի արեւադարձային մասում պարբերաբար առաջացող տաք հոսանքի ներգործության պատճառով, որն ազդում Է ամբողջ մոլորակի կլիմայի վրա: Այդ մասին, ինչպես տեղեկացնում Է «Արմենպրես»-ը, հաղորդել Է BBC-ն՝ հղում անելով ՅՈՒՆԻՍԵՖ-ին:
Բացի դրանից, մայր ցամաքի արեւելքի եւ հարավի պատանի բնակիչներին կարող են սպառնալ համաճարակների բռնկումներ, ասում են ՄԱԿ-ի մանկական հիմնադրամում:
Կազմակերպության տվյալներով՝ 8,2 միլիոն եթովպացիներ սովի սպառնալիքի տակ են գտնվում խաղաղօվկիանոսյան հոսանքի տատանումների պատճառով:
Էլ Նինիոն արդեն 30 տարվա ընթացքում վատթարագույն երաշտն Է առաջացրել Եթովպիայում: Բացի այդ, հոսանքը կարող Է խիստ բացասաբար ազդել Սոմալիի վրա:
Ըստ ՅՈՒՆԻՍԻԵՖ-ի՝ Զիմբաբվեում մոտալուտ ձմռանը սննդի սուր պակաս կարող Է զգալ 1,5 միլիոն մարդ:
Հարավաֆրիկյան Հանրապետությունում նկատվում Է անասունների անկում: Բացի դրանից, երկրի խոշորագույն քաղաքում՝ Յոհաննեսբուրգում ջրի խնայողություն են սահմանել ռեկորդային երաշտի պատճառով: