1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Հնդկաստանի արեւելքում ուղեւորատար ավտոբուսն ընկել է ձորը: Ինչպես տեղեկացնում է «Արմենպրես»-ը` վկայակոչելով ՏԱՍՍ գործակալությունը, այս մասին հայտնել է Indian Express թերթը` նշելով, որ զոհվել է առնվազն 10 մարդ, եւս 9 մարդ վիրավորվել է:
Պատահարը տեղի է ունեցել Միզորամ նահանգի հարավային մասում: Փրկարարական աշխատանքները շարունակվել են ողջ գիշերվա ընթացքում: Բոլոր տուժածները տեղափովել են հիվանդանոց, նրանցից երեքը ծայրահեղ ծանր վիճակում են:
Ոստիկանության նախնական վարկածի համաձայն, ավտոբուսի վարորդը փորձել է խուսափել դեմ դիմաց շարժվող բեռնատարի հետ բախումից, ինչն էլ դարձել է պատահարի պատճառ: