Ճանապարհորդություն Գյումրի` Gyumri Walking Tour բջջային հավելվածի օգնությամբ

3 րոպեի ընթերցում

ԵՐԵՎԱՆ, 16 ՀՈւԼԻՍԻ, ԱՐՄԵՆՊՐԵՍ: Նոր տպավորությունների, ճանապարհորդությունների սիրահարների և ՀՀ տեղեկատվական տեխնոլոգիաների ոլորտի նորույթներով հետաքրքրված անձանց համար հուլիսի 17-ին յուրօրինակ ու հետաքրքիր՝ դեպի Գյումրի գնացքով ուղևորություն է կազմակերպել Գյումրու տեխնոլոգիական կենտրոնում տեղակայված «Դիջիթըլ Փոմըգրանեթ» նորարար ստարտափ ընկերությունը: Ինչպես «Արմենպրես»-ին տեղեկացրին Ձեռնարկությունների ինկուբատոր հիմնադրամից, երեքժամյա ճանապարհորդության ընթացքում գնացքում կկազմակերպվի ՏՏ համաժողով, որի ընթացքում մասնակիցներին կներկայացվի «Դիջիթըլ Փոմըգրանեթի Gyumri Walking Tour» բջջային հավելվածը: Սա հայկական ՏՏ իրականության մեջ ևս մեկ նորույթ է, ինչը հնարավորություն է ընձեռում զբոսաշրջիկներին, այցելուներին և բնակիչներին Գյումրի քաղաքում հավելվածի օգնությամբ հեշտությամբ գտնել արվեստի, սպասարկման, հանրային նշանակության և այլ անհրաժեշտության վայրերը:

Գյումրիի նախագծի հաջողությունից հետո «Դիջիթըլ Փոմըգրանեթ» ընկերությունն այս լուծումն առաջարկելու է միջազգային շուկայում փոքր քաղաքներին, համայնքներին, թանգարաններին, պատկերասրահներին եւ այլ կազմակերպություններին, որոնք ցանկանում են զարգացնել համայնքային տուրիզմը` կիրառելով տեխնոլոգիական նորարարական լուծումներ:

Մասնակիցների համար կազմակերպվելու է նաև քայլարշավ Գյումրու տեսարժան վայրերով, որից հետո Գյումրու տեխնոլոգիական կենտրոնում տեղի կունենա «Տուրիզմ և տեխնոլոգիաներ» թեմայով քննարկումը՝ կենտրոնում տեղակայված ՏՏ ոլորտի ընկերությունների հետ համատեղ: Քննարկումից հետո Գյումրիի Ջազ ակումբում «Դիջիթըլ Փոմըգրանեթի» եւ «Ջիթեք Սոլյուշնս» ընկերությունների նախաձեռնությամբ տեղի կունենա աշխատատեղերի և գործող առաջարկների վերաբերյալ «Ապրել և աշխատել Գյումրիում» միջոցառումը՝ «Վերադարձ Հայաստան» հիմնադրամի համար:

«Դիջիթըլ Փոմըգրանեթ» նորարար ստարտափ ընկերությունը, ինչպես նաև Գյումրու մի շարք այլ ՏՏ ոլորտի նորաստեղծ ընկերություններ իրենց առաջին քայլերը սկսել են Գյումրու տեխնոլոգիական կենտրոնում (ԳՏԿ). ԳՏԿ-ն աջակցում է տարածաշրջանի բոլոր սկսնակ և նորարար ընկերություններին՝ ստեղծելով հարմարավետ պայմաններ և համապատասխան մթնոլորտ նոր գաղափարների և մտահղացումների կյանքի կոչման համար:

Ձեռնարկությունների ինկուբատոր հիմնադրամի, ՀՀ կառավարության և Համաշխարհային բանկի հետ համատեղ հիմնված Գյումրու տեխնոլոգիական կենտրոնը իր գործունեության մեկ տարվա ընթացքում նպաստել է քաղաքում նոր աշխատատեղերի ստեղծմանը, նորարար գաղափարների և ՏՏ ոլորտի ստեղծագործ երիտասարդների համախմբմանը: Gyumri Walking Tour բջջային հավելվածն էլ իր հերթին կնպաստի տուրիստական բիզնեսի զարգացմանը:

Հայերեն

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026