1 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: ՀՀ սպորտի և երիտասարդության հարցերի նախարար Գաբրիել Ղազարյանը պարգևատրել է Հայաստանի ազգային օլիմպիական կոմիտեի նախագահի խորհրդական Ռուբեն Յակովի Հակոբյանին:
«Արմենպրես»-ի հաղորդմամբ,ՀՀ սպորտի և երիտասարդության հարցերի նախարար Գաբրիել Ղազարյանը ֆիզիկական կուլտուրայի և սպորտի զարգացման գործում մեծ ներդրում ունենալու համար և ծննդյան 70-ամյակի կապակցությամբ Հայաստանի ազգային օլիմպիական կոմիտեի նախագահի խորհրդական Ռուբեն Յակովի Հակոբյանին պարգևատրել է Հայաստանի Հանրապետության սպորտի և երիտասարդության հարցերի նախարարության «Բացառիկ ծառայությունների համար» մեդալով:
Ռուբեն Հակոբյանը եղել է Հայաստանի ազգային օլիմպիական կոմիտեի առաջին նախագահը (1990-1993 թթ.), իսկ մինչ այդ՝ ֆիզիկական կուլտուրայի և սպորտի պետական կոմիտեի նախագահը (1989-1991 թթ.):