Սլավիկ Գալստյանն ու Կարեն Ասլանյանը դուրս եկան աշխարհի առաջնության կիսաեզրափակիչ

Հայաստանի հունահռոմեական ոճի ըմբշամարտի հավաքականի անդամ Սլավիկ Գալստյանը դուրս եկավ աշխարհի առաջնության կիսաեզրափակիչ:

«Արմենպրես»-ի հաղորդմամբ` Ղազախստանի մայրաքաղաք Աստանայում ընթացող հունահռոմեական ոճի ըմբշամարտի աշխարհի առաջնության 67 կգ քաշային կարգի քառորդ եզրափակչում Սլավիկ Գալստյանը մրցեց նորվեգացի Հավարդ Յորգենսենի հետ ու առավելության հասավ 3:2 հաշվով:

63 կգ քաշային Կարեն Ասլանյանն առավելության հասավ ուզբեկ Օզոդբեկ Խալիմբոևի նկատմամբ 9:0 հաշվով ու կպայքարի ԱԱ-ի եզրափակչի ուղեգրի համար:

Աշխարհի առաջնության կիսաեզրափակիչները կկայանան հոկտեմբերի 26-ի երեկոյան: