Հովհաննես Հարությունյանը միացել է «Արարատ-Արմենիա»-ին

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Վարձակալության հիմունքներով «Արարատ-Արմենիա» է տեղափոխել առավել վաղ 1,5 մրցաշրջան  թիմի կազմում հանդես եկած, Հայաստանի ազգային հավաքականի կիսապաշտպան Հովհաննես Հարությունյանը։

«Արմենպրես»-ի հաղորդմամբ`  այս մասին հայտնում է ակումբի մամուլի ծառայությունը: 

Հարությունյանը «Փյունիկի» դպրոցի սան է, իր կարիերայի ընթացքում մեծաասամբ հանդես է եկել «Փյունիկում», ինչպես նաև «Արարատում», Սլովակիան ներկայացնող «Զեմպլինում» ու ռուսական «Սոչիում»։ 

«Արարատ-Արմենիա»-ի կազմում Հարությունյանը հանդես էր եկել 2018-19 թթ-ին` մասնակցելով 40 հանդիպման ու դառնալով 6 գոլի հեղինակ։