1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Հունիսի 24-ի առավոտյան Հայ հեղափոխական դաշնակցության բյուրոյի ներկայացուցիչները Հրանտ Մարգարյանի գլխավորությամբ այցելել են Ն.Ս.Օ.Տ.Տ. Արամ Ա Վեհափառ Հայրապետին:
Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Ավելի քան մեկ ժամ տևած հանդիպման ընթացքում քննարկվել են Հայաստան-սփյուռք համագործակցության հարցեր: Բացի այդ, քննարկումներ են ընթացել վերջերս Հայաստանում ստեղծված իրադրությանը, Թուրքիայի Սահմանադրական դատարանում Մեծի Տանն Կիլիկիո կաթողիկոսության բացած դատին և սիրիահայությանն առնչվող հարցեր: