Հայ ժողովրդի հետ կատարվածը ցեղասպանություն էր իր նպատակով ու մեթոդներով. Արամ Ա

3 րոպեի ընթերցում

ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Եթե նույնիսկ «ցեղասպանություն» բառը միջազգային օրենքի բառամթերքի մաս չէր կազմում 1915-ին, այն, ինչ պատահել է հայ ժողովրդի հետ Օսմանյան թուրք կառավարության կողմից, ցեղասպանություն էր իր նպատակով և իր մեթոդներով, այլ խոսքով՝ ոճիր ընդդեմ մարդկության: Այս մասին նշել է Ն.Ս.Օ.Տ.Տ. Արամ Ա կաթողիկոսը Վաշինգտոնի մայր տաճարում, որտեղ ներկա են գտնվել ԱՄՆ փոխնախագահ Ջո Բայդենը, ՀՀ նախագահ Սերժ Սարգսյանը և նրանց հետ միջկրոնական աղոթքի հավաքված երկու հազարից ավելի մասնակիցներ:

Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Շարունակելով իր խոսքը՝ Նորին Սրբությունը հայտնել է, որ հարյուրամյակը երեք բառով կարելի է բնորոշել՝ հիշել, հիշեցնել և պահանջել. «Մենք հիշեցինք մեր մեկ ու կես միլիոն նահատակներին ու միշտ պիտի հիշենք, որովհետև նրանք մեր ամենօրյա պայքարի ու ձգտումների մասն են կազմում»: Ապա նշել է, որ նահատակներին հիշել՝ նշանակում է աշխարհին հիշեցնել նրանց կտակը: Ցեղասպանություն է կատարվել մեր ժողովրդի դեմ: Կաթողիկոսի խոսքով՝ միջազգային օրենքի համաձայն՝ ցեղասպանությունը ոճիր է մարդկության դեմ, հետևաբար մարդկութունը չի կարող անտարբեր մնալ այս ոճրի նկատմամբ:

Իր խոսքի վերջում Նորին Սրբությունը, շեշտը դնելով պահանջատիրության վրա, նշել է. «Անարդարություն է իրագործվել մեր ժողովրդի դեմ: Հայ ժողովուրդն իր իրավունքներն է պահանջում: Արդարությունը աստվածատուր իրավունք է, մարդիկ չեն կարող ուրիշների իրավունքները խլել: Մեկ ու կես միլիոն հայի արյուն է թափվել, մեր ժողովրդի կալվածքները բռագրավվել են: Ոչ միայն ցեղասպանության ճանաչում ենք պահանջում, այլ նաև հատուցում: Ներումը քրիստոնեական հավատքի մաս է կազմում, սակայն ներում կշնորհվի, երբ Թուրքիան ընդունի ճշմարտությունը, և այս ձևով երկու ժողովուրդների հաշտության առաջնորդող ճամփան կբացվի»:

Ներկա գտնվողները հոտնկայս ծափողջույններով են գնահատել Հայրապետի խոսքը:

Արարողությանը ներկա են եղել նաև սենատորներ, Կոնգրեսի անդամներ, եկեղեցական ներկայացուցիչներ և Միացյալ Նահանգների զանազան շրջաններից եկած հայորդիներ:

Վեհափառ Հայրապետի ամբողջական պատգամն անգլերեն

Հայերեն English Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն