1 րոպեի ընթերցում
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Street Child բարեգործական կազմակերպությունը նախազգուշացրել է, որ Էբոլա տենդի բռնկումից տուժած երկրների վերականգնման գործընթացում մոռանում են վիրուսի համաճարակի բռնկման պատճառով որբացած աֆրիկացի երեխաների մասին, տեղեկացնում է «Արմենպրես»-ը:
Կազմակերպության հաշվետվության մեջ ասված է, որ Էբոլայի համաճարակի պատճառով Արեւմտյան Աֆրիկայում 25 հազար երեխաներ մնացել են առանց ծնողների:
Street Child-ի հիմնադիր Թոմ Դենեթը BBC-ին պատմել է, որ որբերից շատերը, հատկապես աղջիկները, իրենց սնունդ հայթայթելու համար հարկադրված են զբաղվել մարմնավաճառությամբ:
Դենեթի կարծիքով՝ առողջապահական կազմակերպություններն անուշադրության են մատնել երեխաներին՝ բոլոր ուժերը նպատակամղելով կյանքեր փրկելուն:
Լուսանկարը` AP