1 րոպեի ընթերցում
ԺՆԵՎ, 2 ՓԵՏՐՎԱՐԻ, ԱՐՄԵՆՊՐԵՍ: Առողջապահության համաշխարհային կազմակերպությունը Ժնեւում հրապարակել է Աֆրիկայում էբոլա վիրուսի մասին կատարած վերջին հետազոտությունները: Ինչպես հաղորդում է «Արմենպրես»-ը` վկայակոչելով BBC-ն, համաձայն այդ հաղորդագրության` Սեւ մայրցամաքում էբոլա վիրուսից մահացել է շուրջ 9000 մարդ, եւս 22 հազար 334 հոգի համարվում են վարակակիր: Համեմատելով հունվարի 30-ին հրապարակված տվյալների հետ, պարզվում է, որ մի քանի օրում Էբոլան 92 հոգու կյանք է խլել: