1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Արեւմտյան Աֆրիկայում Էբոլա տենդի դեմ պայքարող բուժաշխատողները դիմել են «Մեծ քսանյակի» ղեկավարներին՝ օգնության խնդրանքով: France-Presse գործակալության տվյալներով՝ «շտապ օգնության» լիբերիացի աշխատակից Գորդեն Քամարան Skype-ի միջոցով «Մեծ քսանյակի» ղեկավարներին Է դիմել Ավստրալիայի Բրիսբեն քաղաքում կայանալիք գագաթնաժողովի նախաշեմին: Նրա խոսքով՝ 1,5 միլիոն բնակչությամբ Լիբերիան՝ ունի «շտապ օգնության» սոսկ 15 ավտոմեքենա, եւ յուրաքանչյուր 14 հազար մարդուն բաժին է ընկնում միայն մեկ բժիշկ, տեղեկացնում է «Արմենպրես»-ը:
«Բժշկական կետերում պաշտպանական հանդերձանքի պակասը բարձր մակարդակի Է հասցրել վարակումն ու մահացությունը բուժանձնակազմի շրջանում, ինչը հանգեցրել Է հիվանդանոցների եւ կլինիկաների փակման»,- հայտարարել Է Քամարան:
Լիբերիացի բուժքույր Լորեն Վիսեն հայտնել Է, որ ռետինե ձեռնոցների եւ պաշտպանական հագուստի պակասի պատճառով բժիշկները հարկադրված օգտագործում են ցելոֆանե տոպրակներ:
«Մեծ քսանյակի» երկրների ղեկավարների գագանաժողովը տեղի կունենա նոյեմբերի 15 – 16-ը Ավստրալիայի Բրիսբեն քաղաքում, հաղորդել Է ՌԻԱ Նովոստին: