2 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Սպիտակ տունը ձգտում Է հասնել Արեւմտյան Աֆրիկայից բոլոր ժամանողների եւ այնտեղ Էբոլա վիրուսով վարակվածների հետ շփվածների համար երեքշաբաթյա հարկադրական կարանտինի վերացման, տեղեկացնում Է «Արմենպրես»-ը՝ հղում անելով The New York Times թերթին:
Ըստ հրատարակության տեղեկատվության՝ Միացյալ Նահանգների վարչակազմի ներկայացուցիչները բանակցություններ են վարում Նյու Յորքի եւ Նյու Ջերսիի նահանգապետներ Էնդրյու Քուոմոյի եւ Քրիս Քրիստիի հետ՝ փորձելով նրանց համոզել պարտադիր կարանտինի վերացման անհրաժեշտության հարցում:
«(Նախագահ Բարաք Օբամայի) վարչակազմի ներկայացուցիչը նահանգապետների ընդունած որոշումը համարել Է «չհամաձայնեցված, հապճեպ եւ գիտական տեսակետից չհիմնավորված»,- նշել Է թերթը:
Երկու նահանգների իշխանությունները որոշել են պարտադիր կարանտին սահմանել այն բանից հետո, երբ Գվինեայից Նյու Յորք վերադարձած 33-ամյա բժիշկ Քրեյգ Սփենսերի մոտ հոկտեմբերի 23-ին ախտորոշվել Է Էբոլա վիրուսի հարուցած հիվանդություն: Մինչեւ այն պահը, երբ նրա մոտ հայտնվել են հիվանդության ախտանշանները եւ նրան տեղափոխել են հիվանդանոց, Սփենսերը երթեւեկել Է մետրոյով, նստել տաքսի, զբոսնել Է քաղաքում եւ այցելել խորտկարաններ: Քոոմոյի եւ Քրիսիտիի կարծիքով՝ կամավոր կարանտինը բավական չԷ, քան որ մարդիկ կարող են խոստանալ այն պահպանել, իսկ իրականում դա չանել, հաղորդել Է ՏԱՍՍ-ը: