Հրդեհ է բռնկվել Երևանի Արցախի պողոտայում գտնվող կահույքի նախկին արտադրամասում

ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Երևանի Արցախի պողոտայի թիվ 143 հասցեում՝կահույքի նախկին արտադրամասում, հուլիսի 24-ին` ժամը 07.59-ին, հրդեհ է բռնկվել: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր են մեկնել յոթ մարտական հաշվարկ, ավտոսանդուղք, քաղաքապետարանի երկու ջրատար, ՃԿԿ օպերատիվ և ՃԿԿ ԱԻ արձագանքման խմբերը: Հրդեհը մեկուսացվել է ժամը 10.30-ին, մարվել` 10.58-ին: Իրականացվում են քանդման աշխատանքներ: