1 րոպեի ընթերցում
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Երևանի Ն.Ադոնցի փողոցի թիվ 8/1 շենքի մոտակայքում մարտի 25-ին` ժամը 00.41-ին, տեղի է ունեցել ՃՏՊ, որի հետևանքով առաջացել է գազի արտահոսք: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ դեռևս չբացահայտված հանգամանքներում բախվել են «ԲՄՎ» մակնիշի 33TT855 և «ՎԱԶ 2106» մակնիշի 02US885 պետհամարանիշերի ավտոմեքենաները: Հրշեջ-փրկարարները դադարեցրել են ավտոմեքենաների գազի արտահոսքը: Դեպքի վայրում զոհեր և տուժածներ չեն հայտնաբերվել: