Բաղրամյան փողոցում իրար են բախվել երեք ավտոմեքենաներ

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Երևանի Բաղրամյան պողոտայի թիվ 56 շենքի դիմաց մարտի 17-ին` ժամը 23.20-ին, իրար են բախվել «Պորշ» «Ռենո» և «Օպել» մակնիշի ավտոմեքենաներ: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, վթարից հետո «Պորշ»-ը դուրս է եկել ճանապարհի երթևեկելի գոտուց և բախվել նշված հասցեում գործող խանութ-սրահի ապակիներին: Պատահարի հետևանքով «Ռենո»-ի և «Պորշ»-ի վարորդները, «Օպել»-ի և «Ռենո»-ի ուղևորները մարմնական վնասվածքներով տեղափոխվել են հիվանդանոց: