Ֆուտբոլի Հայաստանի Մ-17 հավաքականը տապալեց Եվրոպայի առաջնության որակավորման փուլի հանդիպումները
1 րոպեի ընթերցում
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: ՖուտբոլիՀայաստանի մինչև 17 տարեկաննների ազգային հավաքականը տապալեց ելույթները Եվրոպայի առաջնության որակավորման փուլում:
«Արմենպրես»-ի հաղորդմամբ` վերջին խաղում ազգային թիմը մրցեց Ջիբրալթարի թիմի հետ և հաղթեց 2-1 հաշվով: Վարազդատ Ավետիսյանի սաները առաջին խաղակեսից հետո պարտվում էին 0-1 հաշվով: Սակայն նրանց ինչ-որ կերպ հաջողվեց վերականգնել հաշվի տարբերությունը և խաղավարտին մոտ առաջ անցնել հաշվի մեջ:
Խաղից հետո անդրադառնալով մրցաշարին` Մ-17 հավաքականի մարզիչը, մասնավորապես, նշեց. «Իհարկե, այս հաղթանակը ուրախանալու առիթ չէ: Չնայած որ մեկուկես ամիս է, ինչ գլխավորում եմ այս հավաքականը, բայց ամբողջ պատասխանատվությունը վերցնում եմ ինձ վրա: Ինձ չգոհացրեց ամբողջ թիմի աշխատանքը: Տղաները չէին կարողանում գնդակի հետ ճիշտ վարվել»,-եզրափակեց Ավետիսյանը:
Սա Հայաստանի ընտրանու առաջին հաղթանական էր, և մինչ այս թիմը պարտվել Անգլիայի և Իռլամդիայի թիմերին: «Էլիտ ռաունդ»-ում իրենց պայքարը կշարունակեն հենց այդ հավաքականները: