1 րոպեի ընթերցում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Հարավային Աֆրիկայի հոգևոր առաջնորդն աղոթել է նախկին նախագահ Նելսոն Մանդելայի «խաղաղ վերջ»-ի համար, քանի որ նախագահի վիճակըշարունակում է կրիտիկական մնալ: Ինչպես հաղորդում է «Արմենպրես»-ը` վկայակոչելով BBC-ն,արքեպիսկոպոս Թաբո Մակգոբան տեսակցել է 94-ամյաՄանդելային Պրետորիա հիվանդանոցում և նախկին նախագահի կնոջ` Գրացա Մաշելի հետ աղոթք կարդացել:
Տեղական լրատվամիջոցների հաղորդմամբ`Մանդելայի Թեմբու կլանի տարեցները նույնպես պատրաստվում են տեսակցել Մանդելային:
Հարավային Աֆրիկայի առաջին սևամորթ նախագահ Նելսոն Մանդելայի վիճակը կրիտիկական է դարձել կիրակի օրը: Նա հոսպիտալացվել էր հունիսի 8-ին` թոքերի խրոնիկ հիվանդության պատճառով:
Բնակիչներն իրենց աջակցությունն ու սերը հայտնելու համար ծաղիկներ և աջակցող հաղորդագրություններ են փակցրելհիվանդանոցի պատին, ուր գտնվում է Մանդելան: