Հարավային Աֆրիկայի Քեյփթաուն քաղաքում արտակարգ դրություն Է հայտարարվել ձյան տեղումների պատճառով
1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Արտասովոր ցուրտ եղանակ Է հաստատվել Հարավային Աֆրիկայի Հանրապետության (ՀԱՀ) խորհրդարանական մայրաքաղաք Քեյփթաունում, որտեղ երկար տարիների ընթացքում առաջին անգամ հունիսին ձյուն Է տեղացել: Ինչպես հաղորդել են տեղական զանգվածային լրատվամիջոցները, անցած գիշեր ձյունը եւ կարկուտը ծածկել են Քեյփթանունի առափնյակները, ափի մոտ տեղ-տեղ հայտնվել Է սառույց, ջերմաչափի սյունն իջել Է մինչեւ զրոյին մոտ, տեղեկացնում Է «Արմենպրես»-ը:
Ցածրավայրերում բնակվող առավել ընչազուրկների համար ստեղծվել Է աղետալի իրավիճակ. նրանց խրճիթները լցվում Է սառցաջրով, քշում-տանում Է փոթորկալից քամին: Քեյփթաունի շրջակայքում ավերվել Է ավելի քան 500 կացարան, երկու հազարից ավելի մարդ մնացել Է անօթեւան:
Քաղաքագլուխ Փատրիշա դե Լիլն արտակարգ դրություն Է հայտարարել գերքաղաքում: