1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Պաշտոնական Դամասկոսը հերքել է տեղեկությունն այն մասին, որ Հալեպում օդանավ է ընկել: Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, տեղեկությունը չի համապատասխանում իրականությանը, եւ որոշ լրատվամիջոցներ կեղծ տեղեկություն են տարածել զինյալներին ոգեւորելու նպատակով:
Սիրիայի զինված ուժերը Հալեպի Բուսթան Բաշա թաղամասում մեծ թվով զինյալների են ոչնչացրել:
Զինյալների կողմից հերթական պայթյունն իրականացվել է Իդլեբում, որի հետեւանքով մեկ մարդ զոհվել է, ծանր վիրավորվել` մեկ երեխա:
Սիրիայում ավելի քան 18 ամիս շարունակվող բախումների հետեւանքով զոհվել է 30 հազարից ավելի մարդ, այդ թվում` չորս տասնյակից ավելի հայեր: