1 րոպեի ընթերցում
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Ավարտվեց ֆուտբոլի աշխարհի առաջնության ընտրականի փուլի Բուլղարիա-Հայաստան հանդիպման առաջին խաղակեսը:«Արմենպրես»-ի հաղորդմամբ, թիմերը հանդիպման մեկնարկային րոպեներին սկսեցին կառուցողական ֆուտբոլ խաղալ: Բուլղարացիները ցանկացան խաղալ առաջին համարով եւ նետվեցին գրոհի: Դաշտի տերերից հետ չմնալով` Հայաստանի հավաքականը ևս անընդհատ փնտրում էր դեպի բուլղարների դարպասը տանող ուղին:
Հանդիպումը հետզհետե ավելի լարված ընթացք էր ստանում: Հանդիպման միջնամասում մեր տղաները փորձում էին ղեկն իրենց ձեռքը վերցնել: Սակայն գործեց ֆուտբոլի չգրված օրենքը` «դու չես խփում, քեզ են խփում»: Բուլղարներն ստացան արագ հակագրոհի իրավունք եւ առաջին խաղակեսի վերջին րոպեին Ստանիսլավ Մանոլեւն առաջ մղեց իր թիմին: Թիմերը հանգստի գնացին 1-0 հաշվով` հօգուտ Բուլղարիայի հավաքականի: