Ամենամեծ շնորհակալությունն այն կլինի, երբ դառնաս աշխարհի չեմպիոն. Սերժ Սարգսյանը` Լեւոն Արոնյանին
1 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Անհնար է բառերով նկարագրել, թե ինչ նշանակություն ունի հայ ժողովրդի փոխանցած ջերմությունը բոլորիս համար: «Արմենպրես»-ի փոխանցմամբ` ՀՀ նախագահի նստավայրում հրավիրված ընդունելության ընթացքում հայտարարեց օլիմպիական չեմպիոն գրոսմայստեր Լեւոն Արոնյանը: «Ջերմություն ենք մենք ստանում ամբողջ հայ ժողովրդից, յուրաքանչյուր մարդուց: Ես բառերով չեմ կարող նկարագրել, թե ինչ ազդեցություն է դա ունենում մեզ վրա»,- ասաց նա` շնորհակալություն հայտնելով նաեւ ՀՀ Նախագահին` ցուցաբերած աջակցության համար:
Ի պատասխան այս խոսքերի` ՀՀ նախագահը նշեց. «Մարդ ինչքան համեստ պետք է լինի, որ այպիսի պահերին ուրիշին շնորհակալություն հայտնի: Ամենամեծ շնորհակալությունն այն կլինի, երբ դառնաս աշխարհի չեմպիոն»,- ասաց Սերժ Սարգսյանը: