Հայաստան-Բելառուս հանդիպումը կսպասարկի Վրաստանի մրցավարական անձնակազմը

ԵՐԵՎԱՆ, 14 ՕԳՈՍՏՈՍ, ԱՐՄԵՆՊՐԵՍ: Երեւանի` Վազգեն Սարգսյանի անվան «Հանրապետական» մարզադաշտումօգոստոսի 15-ին` ժամը 20:00-ին,կկայանա Հայաստանի և Բելառուսի ազգային հավաքականների ընկերական հանդիպումը, որը կսպասարկի Վրաստանի մրցավարական անձնակազմը:

Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից` գլխավոր մրցավարը լինելու է Դավիթ Խարիտոնաշվիլին: Մրցավարի օգնականներն են Զազա Պիպիան և Լևան Տոդրիան: Չորրորդ մրցավարի պարտականությունները կկատարի Լևան Կվարացխելիան:

Օգոստոսի 14-ին Երևան ժամանեց Բելառուսի ազգային հավաքականը: Այսօր` ժամը 19:30-ին, Վազգեն Սարգսյանի անվան «Հանրապետական» մարզադաշտում բելառուս ֆուտբոլիստները կանցկացնեն իրենց առաջին մարզումը: Մարզման առաջին 15 րոպեն բաց է ԶԼՄ ներկայացուցիչների համար: Բելառուսի ազգային հավաքականի գլխավոր մարզիչ Գեորգի Կոնդրատևի մամուլի ասուլիսը տեղի կունենա երեկոյան` ժամը 20:30-ին: