1 րոպեի ընթերցում
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Չինաստանն Աֆրիկայի երկրներին կտա 20 միլիարդ դոլար ընդհանուր գումարի վարկեր: Ինչպես հաղորդում Է «Արմենպրես»-ը՝ վկայակոչելով «Սինհուա» գործակալությունը, այս մասին «Աֆրիկա - Չինաստան» համաժողովի ժամանակ հայտարարել Է ՉԺՀ-ի նախագահ Հու Ցզինտաոն: Նրա խոսքով՝ այս թիվը կրկնապատիկ մեծ Է այն ներդրումների ծավալից, որը համաձայնեցվել Էր 2009 թվականի համանման համաժողովի ընթացքում:
Վարկերը կտրվեն ենթակառուցվածքային ծրագրերի, արտադրության եւ փոքր գործարարության զարգացման համար: Չինաստանի ղեկավարը չի ճշտել, թե ինչ երկրներ կստանան փոխառությունները, ինչ ժամանակի ընթացքում, եւ ՉԺՀ-ն նրանց ինչ ժամկետով կտա վարկերը: Հու Ցզինտաոն նշել Է, որ Չինաստանի բուհերում կշարունակվի աֆրիկացի ուսանողների, դպրոցականների եւ երիտասարդ մասնագետների ուսուցման պրակտիկան:
Ըստ ՉԺՀ-ի կառավարության տվյալների՝ 2011 թվականին Աֆրիկայի պետությունների հետ առեւտրական շրջանառությունը սահմանել Է պատմական ռեկորդ՝ կազմելով 166,3 միլիարդ դոլար: 2009 թվականի համեմատությամբ ցուցանիշն աճել Է 83 տոկոսով, իսկ տասը տարի առաջ այն քիչ Էր 20 միլիարդ դոլարից: