Արաս Օզբիլիսը ևս միացել է Հայաստանի ազգային հավաքականին

ԼԻՄԱՍՈԼ, 27 ՓԵՏՐՎԱՐԻ, ԱՐՄԵՆՊՐԵՍ: Ամստերդամի «Այաքս»-ի կիսապաշտպան Արաս Օզբիլիզը միացել է Ֆուտբոլի Հայաստանի ազգային հավաքականին, որը Կիպրոսում նախապատռրաստվում է հունվարի 28-ին և 29-ին կայանալիք Սերբիայի և Կանադայի ընտրանիների հետ հանդիպումներին: Ինչպես «Արմենպրես»,-ին տեղեկացրեց Հայաստանի ֆուտբոլի ֆեդերացիայի մամուլի քարտուղար Տիգրան Իսրայելյանը, թիմին են միացել նաև Դոնեցկի «Մետալուրգ»-ի կիսապաշտպաններ Գևորգ Ղազարյանն ու Կառլեն Մկրտչյանը, բելգիական «Ռուսելար»-ից՝ Մասիս Ոսկանյանը:

Փետրվարի 27-ի երեկոյան Լիմասոլ կժամանի նաեւ Մոսկվայի «Դինամո»-ի դարպասապահ Ռոման Բերեզովսկին, իսկ մեկ օր անց' «Կրասնոդար»-ի հարձակվող Յուրա Մովսիսյանը: Ազգային հավաքականին չի միանա բելառուսական ' «ԲԱՏԷ»-ի կիսապաշտպան Զավեն Բադոյանը, ով վնասվածք է ստացել:

Սերբիայի և Կանադայի ազգային հավաքականների հետ հանդիպումներից առաջ Հայաստանի ազգային ընտրանին կանցկացնի ևս երկու մարզում' փետրվարի 27-ին` Երևանի ժամանակով ժամը 19:00-ին և փետրվարի 28-ին` ժամը 12:30-ին:

Օզբիլիզն այս հանդիպումների ընթացքում իր նորամուտը կնշի Հայաստանի ազգային հավաքականում: «Այաքս»-ի կազմում հայազգի ֆուտբոլիստն իր վերջին երկու խաղերում դարձել է երկու գոլի և գոլային փոխանցումների հեղինակ: Օզբիլիսն աչքի էր ընկել Եվրոպայի լիգայի խաղարկության շրջանակներում կայացած «Մանչեսթեր Յունայթեդ»-ի հետ խաղում, ինչպես նաև Հոլանդիայի առաջնության հերթական տուրի «էքսելսիոր»-ի հետ մրցավեճում: