Հակոբ Սերոբյան. «Անգլիայում մենք պետք Է լավ հանդես գանք»

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Ապրիլի 21-ին անգլիական Բիրմինգեմ քաղաքում կայանալիք մարմնամարզության Եվրոպայի առաջնությանը Հայաստանը առաջին անգամ ներկայացված կլինի միանգամից 4 մարզիկներով. 2-ը հանդես կգան մեծահասակների, 2-ը՝ երիտասարդների մրցաշարում: Ինչպես «Արմենպրես»-ի հետ զրույցում ասաց մարմնամարզության միջազգային կարգի մրցավար Հակոբ Սերոբյանը, Հայաստանի բոլոր 4 մարզիկները լավ են նախապատրաստված, իսկ նրանցից երկուսը՝ Հարություն Մերդինյանը եւ Արթուր Դավթյանը, խոշոր միջազգային մրցումների հաղթողներ եւ մրցանակակիրներ են:

Հ.Սերոբյանը նշեց, որ այս առաջնությունում Հայաստանը առաջին անգամ կունենա 2 միջազգային կարգի մրցավար, ինչը կապահովի մրցումների արդար մրցավարությունը: Ներկայումս Հայաստանի մարմնամարզիկները նախապատրաստվում են եվրոպական մրցաշարին, որի հետ կոնկրետ հույսեր են կապված: Հայաստանի պատվիրակությունը Մեծ Բրիտանիա կմեկնի ապրիլի 17-ին: