ՀՀ նախագահ Ռոբերտ Քոչարյանն ընդունել է ԱՊՀ եւ բալթյան երկրներիերկաթուղային տրանսպորտի խորհրդի անդամներին
1 րոպեի ընթերցում
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է ԱՊՀ եւ բալթյան երկրների երկաթուղային տրանսպորտի խորհրդի անդամներին, ովքեր Երեւանում են խորհրդի 44-րդ նիստի անցկացման առիթով: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, նախագահը հետաքրքրվել է խորհրդի ընթացիկ աշխատանքներով` նշելով, որ կարեւորում է այդ կառույցի շրջանակում համագործակցությունը: Խորհրդի անդամներն ասել են, որ աշխատում են մեծ արդյունավետությամբ, եւ որ գործնականում չի եղել մի իրավիճակ, երբ խորհուրդը չկարողանա փոխընդունելի լուծումներ գտնել անդամ երկրներին հուզող խնդիրների վերաբերյալ: Քննարկվել են նաեւ երկաթուղու բարեփոխումներին առնչվող հարցեր: Խոսվել է անդամ երկրների` այդ գործում ունեցած փորձը համադրելու եւ կիրառելու անհրաժեշտության մասին: