1 րոպեի ընթերցում
Նիդեռլանդները Մերձավոր Արևելք է ուղարկել իր Evertsen հակաօդային պաշտպանության ֆրեգատը՝ Հորմուզի նեղուցում հնարավոր տեղակայման նպատակով: «Արմենպրես»-ի փոխանցմամբ՝ այս մասին հաղորդել է երկրի պաշտպանության նախարար Դիլան Եշիլգյոզ-Զեգերիուսը։
«Evertsen-ը Մերձավոր Արևելքի ճանապարհին է։ Մենք պատրաստվում ենք հնարավոր տեղակայման Հորմուզի նեղուցում։ Ազատ և անվտանգ անցումը կարևոր է մեր տնտեսության և հասարակության համար», - գրել է նախարարը X սոցիալական հարթակում։
Ըստ Նիդեռլանդների պաշտպանության նախարարության հաղորդագրության՝ ռազմանավի առաքելությունը Մերձավոր Արևելքում կտևի երեք ամիս։ Ֆրեգատի վրա կտեղակայվի միջազգային շտաբ, որը կարող է ռազմական առաքելության հրամանատարություն իրականացնել Հորմուզի նեղուցում։
Եշիլգյոզ-Զեգերիուսն ավելի վաղ հայտարարել էր, որ Նիդեռլանդները դեռ վերջնական որոշում չի կայացրել նման առաքելությանն իր մասնակցության վերաբերյալ։