3 րոպեի ընթերցում
Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։
Բուլղարիայի մայրաքաղաք Սոֆիայում մինչև սեպտեմբերի 10 անցկացվում է Հաշվողական լեզվաբանության 7-րդ միջազգային գիտաժողովը (CLIB 2026): «Արմենպրես»-ի փոխանցմամբ՝ այս մասին հաղորդում է Բուլղարիայի ազգային լրատվական գործակալությունը (BTA)։
Գիտաժողովը կազմակերպել է Բուլղարիայի գիտությունների ակադեմիայի բուլղարերեն լեզվի ինստիտուտի հաշվողական լեզվաբանության բաժինը։
Ֆորումը համախմբում է Բուլղարիայից և արտերկրից հետազոտողների, ովքեր աշխատում են հաշվողական լեզվաբանության, բնական լեզվի մշակման (NPL) և ժամանակակից լեզվական տեխնոլոգիաների ոլորտներում:
CLIB-ը միջազգային կոնֆերանս է, որի նպատակն է ուսումնասիրել հաշվողական լեզվաբանության և բնական լեզվի մշակման նոր մոտեցումներն ու մեթոդները, մասնավորապես, դրանց կիրառումը փոքր և քիչ ռեսուրսներով լեզուներով, ինչպիսին է բուլղարերենը, և լեզվական տեխնոլոգիաներում կամուրջ հանդիսանալ մեծ ու փոքր լեզուների միջև: Կոնֆերանսը նվիրված է NLP համայնքի խթանմանը և բուլղարացի և միջազգային հետազոտողների և թիմերի միջև համագործակցության խթանմանը ողջ աշխարհում՝ կիսելով բարձրորակ գիտական արդյունքները հաշվողական լեզվաբանության և NLP-ի բոլոր ոլորտներում:
Հատուկ նիստը միավորում է հետազոտողների, որոնք հետաքրքրված են WordNet-ների (խմբ.՝ անգլերենի խոշոր լեզվաբանական տվյալների բազա), FrameNet-ների (խմբ.՝ լեզվաբանական տվյալների բազա և թվային բառարան) և օնտոլոգիաների սկզբունքներով, տեսությամբ, պրակտիկայով և կիրառություններով, դրանց հետ կապված լեզվական ռեսուրսներով և դրանց փոխգործունակությամբ։
Առանձնահատուկ ուշադրություն է դարձվում բուլղարերենին։ Ծրագիրը ներառում է արհեստական բանականության կողմից ստեղծված բուլղարերեն տեքստի հայտնաբերման, արհեստական բանականության կողմից ստեղծված բուլղարերեն լրատվական հոդվածների լեզվական բնութագրերի գնահատման, բուլղարերենի քերականության ստուգման գործիքների մշակման, ինչպես նաև բուլղարերենի մշակման նոր լեզվական ռեսուրսների և մեթոդների ստեղծման հետազոտություններ։
Ըստ կազմակերպիչների՝ CLIB 2026-ի հիմնական բանախոսների թվում են պրոֆեսոր Պրեսլավ Նակովը Մուհամմադ բին Զայեդի արհեստական բանականության համալսարանից, պրոֆեսոր Ռուսլան Միտկովը Լանկաստերի և Ալիկանտեի համալսարանից և դոկտոր Խալիդ Չուկրին Եվրոպական լեզվական ռեսուրսների ասոցիացիայից: