«Երևանտրանս» ՓԲԸ-ն կլուծարվի

3 րոպեի ընթերցում

Երևանի քաղաքապետարանի ենթակայության «Երևանտրանս» փակ բաժնետիրական ընկերությունը կլուծարվի։

«Արմենպրես»-ի հաղորդմամբ՝ Երևանի ավագանին սեպտեմբերի 8-ի նիստում կողմ քվեարկեց համապատասխան որոշման նախագծին։

Երևանի փոխքաղաքապետ Սուրեն Գրիգորյանը նշեց, որ ներկայում Երևանի հասարակական տրանսպորտի ոլորտում իրականացված մի շարք բարեփոխումների արդյունքում ներքաղաքային ավտոբուսային և միկրոավտոբուսային կանոնավոր ուղևորափոխադրումներ իրականացնող «Երևանի ավտոբուս» ՓԲԸ-ի և տրոլեյբուսային ուղևորափոխադրումներ իրականացնող «Երևանի էլեկտրատրանսպորտ» ՓԲԸ-ի կողմից շահագործվող բոլոր տրանսպորտային միջոցները համալրվել են GPS տեղորոշման համակարգով։

Նրա խոսքով՝ «Երևանտրանս» ՓԲԸ-ի լուծարումը տրամաբանական շարունակությունն է Երևանի ավագանու կողմից Երևանի երթևեկության կառավարման կենտրոն համայնքային հիմնարկ ստեղծելու որոշման։

««Երևանտրանս» ՓԲԸ-ի լուծարումն, ըստ էության, տրամաբանական շարունակությունն է Երևանի քաղաքապետարանի կողմից Երևանի երթևեկության կառավարման կենտրոնի ստեղծման որոշմանը կողմ քվեարկելուն։ Երևանի երթևեկության կառավարման կենտրոնի ստեղծումը միտված է էլ ավելի տվյալահեն որոշումների կայացմանը երթևեկության կառավարման տեսանկյունից»,- նշեց փոխքաղաքապետը։

Գրիգորյանի խոսքով՝ կենտրոնի ստեղծման ուղղությամբ իրականացված առաջնային աշխատանքներից մեկը տվյալների միասնական պահոցի ստեղծումն է։ «Ստեղծվել է համապատասխան միջավայր, որտեղ արդեն իսկ կուտակվում են քաղաքի թվային համակարգերից գեներացվող տվյալները, որոնք կարող են վերաբերվել Երևանի քաղաքի երթևեկությանը»,- ասաց նա։

Անդրադառնալով «Երևանտրանս» ՓԲԸ-ի լուծարման հետևանքով աշխատակիցների աշխատանքից զրկվելու խնդրին՝ փոխքաղաքապետը նշեց, որ Երևանի երթևեկության կառավարման կենտրոնում արդեն աշխատում են մի շարք աշխատակիցներ, որոնք նախկինում իրենց գործունեությունը ծավալել են «Երևանտրանս» ՓԲԸ-ում։ «Երևան քաղաքում ցանկացած վերակազմակերպման և ստորաբաժանումների վերաձևման տրամաբանությունը միշտ աշխատակիցներին առաջարկվում է այլընտրանքային աշխատանք, բնականաբար, եթե վերջիններիս աշխատանքային փորձը բավարարում է նոր ներկայացվող պահանջներին։ Այս դեպքը ևս բացառություն չի լինելու»,- ասաց Գրիգորյանը։

Հայերեն

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս

ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

ՄԻՊ աշխատակազմում հյուրընկալվել են «Խորհուրդ X» երիտասարդական կազմակերպության անդամները և ԵՊՀ ուսանողները