Աշխարհ

Սերբիայում ռազմական ինքնաթիռ է կործանվել․ օդաչուն զոհվել է

1 րոպեի ընթերցում

Սերբիայում ռազմական ինքնաթիռ է կործանվել․ օդաչուն զոհվել է

Սերբիայի հյուսիս-արևմուտքում նոյեմբերի 17-ին կործանվել է երկրի զինված ուժերի ՄիԳ-29 կործանիչը։ Աղետի հետևանքով օդաչուն զոհվել է։ «Արմենպրես»-ի հաղորդմամբ՝ այս մասին հայտնել է Սերբիայի պաշտպանության նախարարությունը։

Պաշտպանական գերատեսչության տեղեկացմամբ՝ աղետը տեղի է ունեցել տեղական ժամանակով մոտավորապես 08:45-ին (Երևանի ժամանակով՝ 11:45-ին)՝ Նովա Պազովա և Ստարա Պազովա բնակավայրերի մերձակայքում։ Դեպքի վայրում շարունակում են աշխատել ռազմական ոստիկանները, ընթանում է հետաքննություն։ Սերբիայի պաշտպանության նախարարությունը պատահարի վերաբերյալ լրացուցիչ տեղեկություններ և մեկնաբանություններ չի ներկայացրել։

Սերբիայի ռադիո և հեռուստատեսության ընկերությունը (RTS) հայտնում է, որ ինքնաթիռը հաշվառված էր 204-րդ ավիացիոն բրիգադում, որը տեղակայված է Բելգրադից մոտավորապես 25 կմ դեպի հյուսիս-արևմուտք գտնվող Բատայնիցա օդանավակայանում։

Կարդացեք հոդվածը` Русский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում