1 րոպեի ընթերցում
Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։
Բուլղարիայի Պերպերիկոնի հնագիտական համալիրում (Արևելյան Ռոդոպ լեռներ) հայտնաբերվել է թագավորական կնիք, որը վկայում է Իվան Ասեն II ցարի հարսանիքների և 1235 թվականին Բուլղարիայի պատրիարքության հիմնադրման մասին։ Ինչպես «Արմենպրես»-ը տեղեկանում է Բուլղարիայի ազգային լրատվական գործակալությունից (BTA), այս մասին հայտնել է պեղումների ղեկավար, պրոֆեսոր Նիկոլայ Օվչարովը։
Նա տեղեկացրել է, որ գտածոն պաշտոնապես կցուցադրվի և կներկայացվի օգոստոսի 20-ին՝ հավելելով, որ այն մաքրման գործընթաց է անցնում։ Մասնագետի խոսքով՝ գտածոն «վերաշարադրում է միջնադարյան պատմությունը»։
Ավելի վաղ հնագիտական վայրի ուսումնասիրությունների ընթացքում հայտնաբերվել էր երկու այլ նշանակալի գտածո։ Մեկը Պերպերիկոնի հարավային թաղամասի այսպես կոչված «Արեա Սակրա» տարածքում ուշ հռոմեական դարաշրջանի (մ.թ. 3-5-րդ դարեր) ազդեցիկ քաղաքացու ռոտոնդա տիպի քարե դամբարանն է, իսկ երկրորդ նշանակալի գտածոն՝ նույն ժամանակաշրջանի քարե սարկոֆագը։