360.12
Հութիները բալիստիկ հրթիռով հարվածել են Էր Ռիադի միջազգային օդանավակայանին
1 րոպեի ընթերցում
Եմենի «Անսար Ալլահ» շարժման հութիները հայտարարել են Սաուդյան Արաբիայի մայրաքաղաք Էր Ռիադում գտնվող Խալիդի անվան միջազգային օդանավակայանին նոր հարվածներ հասցնելու մասին։ «Արմենպրես»-ի հաղորդմամբ՝ այս մասին Al Masirah հեռուստաալիքի եթերում հայտնել է հութիների զինված ուժերի ներկայացուցիչ Յահյա Սարիան։
«Մենք գործողություն իրականացրինք՝ բալիստիկ հրթիռով հարվածելով Էր Ռիադում գտնվող Խալիդի անվան միջազգային օդանավակայանին։ Հարվածի հետևանքով օդանավակայանի շենքը զգալի վնասվել է»,- ասել է Յահյա Սարիան։
Հութիների ներկայացուցիչը հավելել է, որ Խալիդ թագավորի անվան միջազգային օդանավակայանն այլևս անվտանգ չէ, քանի որ այն այժմ ռազմական թիրախ է հանդիսանում շարժման համար։ Նրա խոսքով՝ Սաուդյան Արաբիայի Թագավորության օդային տարածքն իրենց թիրախում է, բացառությամբ Մեքքա և Մեդինա քաղաքների հատվածների, որոնք սրբազան են մահմեդականների համար։
Բաժանորդագրվեք մեր ալիքին Telegram-ում