1 րոպեի ընթերցում
Հայաստանի վարչապետի մամուլի քարտուղարի պաշտոնում կնշանակվի Մելանյա Հարությունյանը։ «Արմենպրես»-ի փոխանցմամբ՝ այս մասին հայտարարեց ՀՀ վարչապետ Նիկոլ Փաշինյանը՝ հուլիսի 30-ի կառավարության նիստին հաջորդած ճեպազրույցի ավարտին։
«Ինչպես գիտեք, տիկին Բաղդասարյանը դադարեցնում է վարչապետի մամուլի խոսնակի դերում իր պաշտոնավարումը ։ Ես ուզում եմ նրան շնորհակալություն հայտնել և առիթից օգտվելով տեղեկացնել, որ վարչապետի մամուլի քարտուղարի պաշտոնում կնշանակվի Մելանյա Հարությունյանը»,– նշեց Փաշինյանը։
Նա հույս հայտնեց, որ հետագայում ևս կհաջողվի պահպանել ճեպազրույցների ձևաչափը։
Նշենք, որ վարչապետի մամուլի քարտուղարի պաշտոնը մինչ այս պահը զբաղեցնող Նազելի Բաղդասարյանն իր գործունեությունը կշարունակի Ազգային ժողովում՝ վերցնելով պատգամավորական մանդատը:
Մելանյա Հարությունյանը «Քաղաքացիական պայմանագիր» կուսակցության երիտասարդական կառույցի խորհրդի քարտուղարն է։