Արեն Մկրտչյանը ևս չի լինի Հայաստանում ընտրությունների արդյունքներով ձևավորվելիք խորհրդարանում

Լոռու մարզպետ Արեն Մկրտչյանը հայտնել է, որ հրաժարվել է Հայաստանում հունիսի 7-ին կայացած խորհրդարանական ընտրությունների արդյունքներով ձևավորվելիք խորհրդարանում պատգամավորի իր մանդատից և շարունակելու է պաշտոնավարումը՝ որպես Լոռու մարզպետ։

«Արմենպրես»-ի փոխանցմամբ՝ Արեն Մկրտչյանն այդ մասին գրել է «Ֆեյսբուք»-ի իր էջում։

«Հրաժարվել եմ Ազգային Ժողովի պատգամավորի մանդատից և շարունակում եմ աշխատանքը որպես Լոռու մարզպետ»,- գրել է Մկրտչյանը։

Հայաստանում հունիսի 7-ին կայացած խորհրդարանական ընտրությունների արդյունքներով խորհրդարան են անցել երեք քաղաքական ուժ՝ իշխող «Քաղաքացիական պայմանագիր» կուսակցությունը, «Ուժեղ Հայաստան» դաշինքը և «Հայաստան» դաշինքը։ ՔՊ-ն նոր խորհրդարանում կունենա 64 մանդատ, «Ուժեղ Հայաստան»-ը՝ 29 մանդատ, «Հայաստան»-ը՝ 12 մանդատ։

Արեն Մկրտչյանը «Քաղաքացիական պայմանագիր» կուսակցության ընտրական ցուցակի 20-րդ համարն էր։ Լոռու մարզպետի պաշտոնն Արեն Մկրտչյանը զբաղեցնում է 2025 թվականի սեպտեմբերից։

Նոր ձևավորվելիք խորհրդարանում պատգամավորական իրենց մանդատներից հրաժարվելու մասին ավելի վաղ հայտնել էին Շիրակի մարզպետ Դավիթ Առուշանյանն ու Վայոց ձորի մարզպետ Վահագն Արսենյանը։