1 րոպեի ընթերցում
Գեղարքունիքի մարզի Վարդենիս համայնքի Խաչաղբյուր գյուղում 2018-2025 թվականների ընթացքում սուբվենցիոն ու պետական ծրագրերի շրջանակներում սոցիալ-տնտեսական ու կենսական նշանակության 8 ծրագիր է իրականացվել, որոնց ուղղությամբ կատարված կապիտալ ներդրումները կազմել են 716 միլիոն 281 հազար 594 դրամ։
Իրականացված ծրագրերից 6-ը սուբվենցիոն են՝ 110 միլիոն 501 հազար 594 դրամ արժեքով, և երկուսը՝ պետական՝ 605 միլիոն 780 հազար դրամ արժեքով։
Իրականացված ծրագրերի արդյունքում 2018-2025 թվականների ընթացքում Խաչաղբյուրում սուբվենցիոն ծրագրերի շրջանակներում կառուցվել է 6000 մետր ոռոգման ջրատար, 5000 մետր լուսավորության ցանց, պետական ծրագրի շրջանակներում վերակառուցվել է Խաչաղբյուրից Լուսակունք տանող բնակավայրի կամուրջը` 15 միլիոն 47 հազար դրամ արժեքով։ 2025 թվականի հուլիսի 10-ից մեկնարկել և ընթանում են Խաչաղբյուրի մանկապարտեզի շենքի կառուցման աշխատանքները ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակներում՝ 590 միլիոն 733 հազար դրամ արժեքով։ Շինարարությունը նախատեսվում է ավարտել 2026 թվականի դեկտեմբերին։