368.12
Միացյալ Նահանգների պետքարտուղարը խոսել է Հնդկաստանի հետ առևտրային համաձայնագրի շուրջ աշխատանքների մասին
1 րոպեի ընթերցում
ԱՄՆ-ի պետքարտուղար Մարկո Ռուբիոն հայտարարել է, որ Միացյալ Նահանգները և Հնդկաստանը գտնվում են առևտրային համաձայնագրի կնքման վերջին փուլում։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«Մենք հույս ունենք շատ շուտով կնքել առևտրային համաձայնագիրը։ Մենք գտնվում ենք դրա կնքման վերջին փուլում, և գործընթացը շատ դրական է», - ասել է Ռուբիոն։
Ավելի վաղ ԱՄՆ-ի նախագահ Դոնալդ Թրամփը Հնդկաստանի վարչապետ Նարենդրա Մոդիի հետ հեռախոսազրույցից հետո հայտարարել էր հնդկական ապրանքների ներմուծման մաքսատուրքերի նվազեցման մասին։
«Ի նշան վարչապետ Մոդիի և Հնդկաստանի նկատմամբ բարեկամության և հարգանքի, և նրա խնդրանքով մենք համաձայնության ենք եկել Միացյալ Նահանգների և Հնդկաստանի միջև առևտրային համաձայնագրի շուրջ։ Միացյալ Նահանգները կսահմանի նվազեցված մաքսատուրքեր՝ 25%-ից իջեցնելով մինչև 18%»,- ասել էր Թրամփը։
Բաժանորդագրվեք մեր ալիքին Telegram-ում