1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեն հունիսի 23-ից 25-ը կայցելի Վաշինգտոն։ Ինչպես հաղորդում է «Արմենպրես»-ը, այս մասին հայտնել է Հյուսիսատլանտյան դաշինքի կենտրոնակայանի մամուլի ծառայությունը։
Հունիսի 24-ին նա Սպիտակ տանը կհանդիպի ԱՄՆ նախագահ Դոնալդ Թրամփի, ինչպես նաև ԱՄՆ վարչակազմի բարձրաստիճան պաշտոնյաների հետ։
Նույն օրը Ռյուտեն Վաշինգտոնից առցանց կմասնակցի «E5» (European Group of Five) խմբի նիստին, իսկ հունիսի 25-ին կհանդիպի ԱՄՆ Կոնգրեսի անդամների հետ և կմասնակցի Ատլանտյան խորհրդի կազմակերպած քննարկմանը։
«E5»-ը եվրոպական հինգ երկրների ոչ պաշտոնական խումբ է, որի կազմում են Մեծ Բրիտանիան, Գերմանիան, Իտալիան, Լեհաստանը և Ֆրանսիան։