Նոր Նորքի Գյուրջյան փողոցից էստակադայի միջոցով հնարավոր կլինի հասնել Մյասնիկյան պողոտա. ճանապարհի հիմնանորոգումը սկսվել է

2 րոպեի ընթերցում

Երևանի քաղաքապետարանը սկսել է  Նոր Նորք վարչական շրջանի Գյուրջյան փողոցը Մյասնիկյան պողոտային միացնող մոտ 2.3 կմ երկարությամբ ճանապարհի հիմնանորոգումը:

«Արմենպրես»-ի փոխանցմամբ՝ այս մասին հայտնել է Երևանի քաղաքապետ Տիգրան Ավինյանը։

Նա նշել է, որ Գյուրջյան փողոցի հիմնանորոգման ծրագրի ավարտից հետո նախատեսվում է կառուցել նոր էստակադա, որը Նոր Նորք վարչական շրջանը Գյուրջյան փողոցի միջոցով կկապի Մյասնիկյան պողոտային։ Նախագիծը նպատակ ունի բարելավել տրանսպորտային հաղորդակցությունն ու բեռնաթափել գործող ճանապարհային հանգույցները։

Նրա խոսքով՝ ներկայում Գյուրջյան փողոցում իրականացվում է համապարփակ հիմնանորոգում, որի շրջանակում փոխարինվում են կոյուղատար, հեղեղատար և ոռոգման համակարգերը, էլեկտրական ցանցերը տեղափոխվում են ստորգետնյա տիրույթ, կառուցվում են մայթեր, ինչպես նաև ամբողջությամբ ասֆալտապատվում է ճանապարհահատվածը։

«Այս ճանապարհը կազմելու է մոտ 2,3 կիլոմետր և միանալու է Մյասնիկյան պողոտային։ Ծրագրի ավարտից հետո նախատեսում ենք իրականացնել նաև էստակադայի կառուցում, որը հնարավորություն կտա Նոր Նորքից Գյուրջյան փողոցով անմիջապես հասնել Մյասնիկյան պողոտա»,- նշել է քաղաքապետը։

Ավինյանի գնահատմամբ՝ մայրաքաղաքում նմանատիպ նոր ճանապարհային ենթակառուցվածքների ստեղծումը վերջին տասնամյակների ընթացքում եզակի նախաձեռնություններից է և կարևոր նշանակություն կունենա Երևանի տրանսպորտային համակարգի զարգացման համար։

 

Հայերեն

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս