1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեն կարծում է, որ Իրանն ավելի հեռու է միջուկային զենքի ստեղծումից, քան երբևէ։ «Արմենպրես»-ի փոխանցմամբ՝ այս մասին նա ասել է՝ բացելով պաշտպանության նախարարների մակարդակով ՆԱՏՕ-ի խորհրդի նստաշրջանը:
«ՆԱՏՕ-ի բոլոր երկրները համաձայն են, որ Իրանին չպետք է թույլատրել միջուկային զենք ստանալ։ Այսօր ԱՄՆ-ի գործողությունների արդյունքում Իրանն ավելի հեռու է գտնվում միջուկային զենք ստանալուց, քան երբևէ», - նրա խոսքերն է մեջբերում ՏԱՍՍ-ը։
Ռյուտեն նշել է, որ ՆԱՏՕ-ում բոլորը «ոգեշնչված են ԱՄՆ-ի և Իրանի միջև համաձայնագրի արդյունքում խաղաղության հեռանկարով», որը, նրա կարծիքով, «հիանալի ձեռքբերում» է։
«Շնորհակալություն ձեզ, և, իհարկե, շնորհակալություն ԱՄՆ նախագահին», - ասել է Ռյուտեն՝ դիմելով Պենտագոնի ղեկավար Փիթ Հեգսեթին։
Նա նաև նշել է, որ ՆԱՏՕ-ի երկրները կքննարկեն իրենց մասնակցությունը Հորմուզի նեղուցում ազատ նավագնացությանն աջակցելու ջանքերին։