1 րոպեի ընթերցում
Գեղարքունիքի մարզի Գավառ համայնքի Լանջաղբյուր գյուղում 2018-2025 թվականներին սուբվենցիոն ու պետական ծրագրերի շրջանակներում սոցիալ-տնտեսական ու կենսական նշանակության 9 ծրագիր է իրականացվել, որոնց ուղղությամբ կատարված կապիտալ ներդրումները կազմել են 946 միլիոն 16 հազար դրամ։
Ինչպես «Արմենպրես»-ին տեղեկացրին Գավառի համայնքապետարանից, իրականացված ծրագրերից 7-ը սուբվենցիոն են՝ 91 միլիոն 16 հազար դրամ ընդհանուր արժեքով, և երկուսը՝ պետական՝ 855 միլիոն դրամ ընդհանուր արժեքով։
Իրականացված ծրագրերի արդյունքում Լանջաղբյուրում 2018-2025 թվականների ընթացքում կառուցվել է 5010 մետր խմելու ջրատար, 3120 մետր երկարության ջրանցք ու ոռոգման ջրատար, 2500 մետր արտաքին լուսավորության ցանց, 3126 մետր ջրահեռացման համակարգ, 3424 քմ ասֆալտապատ մայթեր, 1 կամուրջ, հիմնանորոգվել են 3180 գծամետր մարզային ու ներհամայնքային նշանակության ճանապարհներ։
Պետական ծրագրերով կառուցվել է Լանջաղբյուրի ջրամբարին մոտեցնող ջրանցքը՝ 130 միլիոն դրամ արժեքով, հիմնանորոգվել Գավառ-Գեղարքունիք ավտոճանապարհի Լանջաղբյուրի հատվածը՝ 725 միլիոն դրամ արժեքով։