Անհրաժեշտ է ամեն ինչ անել ԱՄՆ-Իրան շրջանակային համաձայնագիրը կյանքի կոչելու համար․ Մակրոն

2 րոպեի ընթերցում

Ֆրանսիայի նախագահ Էմանուել Մակրոնը Ֆրանսիայում անցկացվող Մեծ յոթնյակի գագաթնաժողովից առաջ հայտարարել է, որ ամեն ինչ պետք է անել Վաշինգտոնի և Թեհրանի միջև ձեռք բերված շրջանակային համաձայնագիրը կյանքի կոչելու համար։ «Արմենպրես»-ի փոխանցմամբ՝ այս մասին հաղորդում է Euronews-ը՝ վկայակոչելով ֆրանսիական TF1 հեռուստաընկերության հետ Մակրոնի հարցազրույցը։

Մակրոնի խոսքով՝ Հորմուզի նեղուցի բացումն ապահովելու ջանքերի շրջանակներում Ֆրանսիան կարող է տեղակայել ինքնաթիռներ և ականազերծող ֆրեգատ, որոնք կարող են ուղարկվել «երկու-երեք օրվա ընթացքում», եթե միջազգային համաձայնագիր կնքվի։

Մակրոնը նաև ընդգծել է, որ Հորմուզի նեղուցը պետք է բաց մնա ազատ նավագնացության համար։

«Մենք կանենք ամեն ինչ, որպեսզի համոզվենք, որ վճարներ չկան», - ասել է Ֆրանսիայի նախագահը։

Մակրոնը հավելել է, որ Հորմուզի նեղուցի վերաբացումը վճարովի հիմունքներով կհակասի միջազգային իրավունքին։

Ավելի վաղ ԱՄՆ նախագահ Դոնալդ Թրամփը հայտարարել էր, որ Իրանի հետ համաձայնագիրը կապահովի, որ ջրային ճանապարհը մնա «մշտապես անվճար»։

France 24-ի փոխանցմամբ՝ Մակրոնը նաև հայտարարել է, որ Ֆրանսիան և Մեծ Բրիտանիան պատրաստ են Նիդեռլանդների և Իտալիայի աջակցությամբ ղեկավարել առաքելություն Հորմուզի նեղուցում՝ ԱՄՆ-ի և Իրանի միջև համաձայնեցված գործարքի իրականություն դառնալուց հետո ծովային ուղու վերաբացմանը նպաստելու համար։

Ֆրանսիայի նախագահը հայտարարել է, որ Իրանի հարստացված ուրանը պետք է «չեզոքացվի» ՄԱԿ-ի հսկողության ներքո։

Ավելի վաղ ԱՄՆ-ի, Իրանի և որպես միջնորդ հանդես եկող Պակիստանի պաշտոնատար անձինք հաստատել են համաձայնության ձեռքբերումը Վաշինգտոնի և Թեհրանի միջև։ Կողմերը փոխըմբռնման հուշագիր կստորագրեն հունիսի 19-ին Ժնևում: Իրանի փոխարտգործնախարար Քազեմ Ղարիբաբադիի խոսքով՝ 60-օրյա հրադադարի ընթացքում կողմերը կքննարկեն նաև Թեհրանի միջուկային ծրագիրը:

Հայերեն Русский

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում

Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում