1 րոպեի ընթերցում
Բահրեյնի դեմ հունիսի 11-ին իրանական հարձակման հետևանքով 11-ամյա աղջիկ է վիրավորվել, որին տեղում բուժօգնություն են ցուցաբերել: «Արմենպրես»-ի փոխանցմամբ՝ այս մասին հայտնում է Բահրեյնի ներքին գործերի նախարարությունը։
«Բահրեյնի դեմ Իրանի ագրեսիայի հետևանքով 11-ամյա աղջիկը թեթև վնասվածքներ է ստացել և տեղում բժշկական օգնություն է ստացել։
Համադ և Մանամա քաղաքներում անօդաչու թռչող սարքերի որսալուց հետո ընկած բեկորների պատճառով մեքենաներ են հրդեհվել և տներ վնասվել: Քաղաքացիական պաշտպանությունը և շտապօգնության ազգային ծառայությունը ձեռնարկել են անհրաժեշտ միջոցառումներ»,- նշվել է հաղորդագրության մեջ։
Մերձավոր Արևելքում վերջին օրերին իրավիճակը կրկին թեժացել է։ Միացյալ Նահանգները հարվածներ է հասցրել Իրանին, իսկ պաշտոնական Թեհրանը սկսել է պատասխան հարվածներ հասցնել տարածաշրջանային երկրներում ամերիկյան ռազմաբազաներին։