Արփունքում 2018-2025 թվականներին իրականացված սոցիալ-տնտեսական նշանակության 7 ծրագիր համար հատկացվել է 1 մլրդ 425 մլն 957 հազար դրամ
2 րոպեի ընթերցում
Գեղարքունիքի մարզի Վարդենիս համայնքի Արփունք գյուղում սուբվենցիոն և պետական ծրագրերի շրջանակներում 2018-2025 թվականների ընթացքում սոցիալ-տնտեսական և կենսական նշանակության 7 ծրագիր է իրականացվել, որոնց ուղղությամբ կատարված կապիտալ ներդրումները կազմել են 1 միլիարդ 425 միլիոն 957 հազար դրամ։
Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, իրականացված ծրագրերից 6-ը սուբվենցիոն են՝ 174 միլիոն 699 հազար դրամ ընդհանուր արժեքով, 1-ը՝ պետական՝ 1 միլիարդ 251 միլիոն 258 հազար դրամ արժեքով։
Իրականացված ծրագրերի արդյունքում Արփունքում 2018-2025 թվականների ընթացքում կառուցվել է 6875 մետր խմելու, 3000 մետր ոռոգման ներքին ու արտաքին ջրատար ցանցեր, 3640 մետր արտաքին լուսավորության ցանց, ընթացքի մեջ է արդի չափորոշիչներին համապատասխան 144 տեղանոց կրթահամալիրի կառուցումը։
Արփունքի կրթահամալիրը կառուցվում է ՀՀ կառավարության կողմից իրականացվող «300 դպրոց, 500 մանկապարտեզ» ծրագրի շրջանակներում` պետբյուջեի միջոցներով, 1 միլիարդ 251 միլիոն 258 հազար դրամ պայմանագրային արժեքով։ Կրթահամալիրի կազմում կլինի նաև 80 տեղանոց մանկապարտեզի շենքը։
Արդեն 60 տոկոսով իրականացված շինաշխատանքների մեկնարկը տրվել է դեռևս 2025 թվականի մարտին, դրանք կավարտվեն 2027 թվականի փետրվարին։