1 րոպեի ընթերցում
Վրաստանը և ԱՄՆ-ն աշխատում են երկկողմ հարաբերությունների նորացված օրակարգ մշակելու ուղղությամբ, որը հիմնված կլինի փոխադարձ հարգանքի և երկու երկրների շահերի հաշվի առնելու վրա։
«Արմենպրես»-ի հաղորդմամբ՝ այս մասին հայտնում է Սպուտնիկ գործակալության վրացական ծառայությունը՝ վկայակոչելով Վրաստանի արտաքին գործերի նախարար Մակա Բոչորիշվիլիի հայտարարությունը՝ ԱՄՆ կատարած այցի ժամանակ։
Վրաստանի արտգործնախարարի խոսքով՝ վերջին շրջանում երկու կողմերն էլ կարևոր քայլեր են ձեռնարկել Թբիլիսիի և Վաշինգտոնի միջև հարաբերություններում դրական զարգացումներ ապահովելու և համագործակցության նոր հնարավորություններ բացելու համար։
«Մենք Միացյալ Նահանգների հետ աշխատում ենք վրաց-ամերիկյան նորացված հարաբերությունների բովանդակության և այդ կապերի զարգացման ուղիների շուրջ։ Հուսով ենք, որ մոտ ապագայում հնարավորություն կունենանք ավելի մանրամասն քննարկել համագործակցության կոնկրետ ոլորտները», - հայտարարել է Բոչորիշվիլին։
Նախարարը նշել է, որ վերջին երկկողմ փոխայցելությունները նպատակ ունեին երկու երկրների միջև երկխոսության զարգացումը։