1 րոպեի ընթերցում
ԱՄՆ ֆինանսների նախարար Սքոթ Բեսենթը մայիսի 18-ին Փարիզում՝ Մեծ յոթնյակի (G7) անդամ երկրների ֆինանսների նախարարների հանդիպումից առաջ հայտարարել է, որ կոչ է անելու այդ երկրներին հետևելու Իրանի դեմ պատժամիջոցների ռեժիմին։ Ինչպես հաղորդում է «Արմենպրես»-ը, այս մասին հայտնում է Reuters-ը։
Բեսենթը լրագրողների հետ զրույցում կարճ անդրադարձել է նաև ԱՄՆ նախագահ Դոնալդ Թրամփի այցին Չինաստան՝ ասելով, որ այն «շատ հաջողված» էր։
France 24-ի փոխանցմամբ, Ֆրանսիայի մայրաքաղաքում G7-ի երկրների ներկայացուիչները քննարկելու են Իրանի դեմ պատերազմի պատճառով Մերձավոր Արևելքում ստեղծված իրավիճակը։ Այս մասին ավելի վաղ հայտնել էր Գերմանիայի ֆինանսների նախարար Լարս Քլինգբեյլը։ «Մեր՝ եվրոպացիներիս ուղին շարունակում է հստակ լինել. մենք հենվում ենք ոչ թե առճակատման, այլ համագործակցության վրա»,- նշել է նա։
Նախարարն ասել է, որ վերջին ճգնաժամերն ընդգծել են, որ Գերմանիան և Եվրոպան պետք է ավելի անկախ և դիմացկուն դառնան, մասնավորապես՝ հումքի, էներգիայի և մատակարարման շղթաների ոլորտում։